അദ്ദിക്ർ

ഓരോ ആത്മാവിനും സ്വര്‍ഗത്തില്‍ സൃഷ്ടിച്ചപ്പോള്‍ തന്നെ നാഥന്‍ അദ്ദിക്ര്‍ പ ഠിപ്പിച്ചിട്ടുണ്ട്. 4: 163 ല്‍ വിവരിച്ച പ്രകാരം 313 പ്രവാചകന്മാരിലൂടെയും നാഥന്‍റെ സന്ദേശമായ അദ്ദിക്ര്‍ ലോകരിലേക്ക് അയച്ചിട്ടുമുണ്ട്. മുമ്പ് വന്നിട്ടുള്ള 312 ഗ്രന്ഥങ്ങളെയും സത്യപ്പെടുത്തുന്നതും കാത്തുസൂക്ഷിക്കുന്നതുമായ അദ്ദിക്ര്‍ ഇന്ന് 25: 59 ല്‍ പറഞ്ഞ ത്രി കാലജ്ഞാനിയിലൂടെ രൂപപ്പെട്ടിരിക്കുന്നതിനാല്‍ നാഥന്‍ നിഷ്പക്ഷവാനായിരിക്കുന്നു. അപ്പോള്‍ ഏതൊരാള്‍ക്കും നന്മയോ തിന്മയോ സംഭവിക്കുന്നതിന്‍റെ ഉത്തരവാദിത്തം അവരവര്‍ക്കുതന്നെയാണ്. അദ്ദിക്റിനെ തള്ളിപ്പറഞ്ഞുകൊണ്ട് ലക്ഷ്യബോധമില്ലാതെ ജീവിക്കുന്ന കപടവിശ്വാസികളും അവരുടെ പ്രജ്ഞയറ്റ അനുയായികളും നരകക്കുണ്ഠത്തില്‍ കുത്തിനിറക്കപ്പെടാനുള്ളവരാണെന്ന് 4: 140; 9: 67-68; 7: 179; 15: 44; 25: 34, 65-66; 48: 6; 98: 6 തുടങ്ങിയ സൂക്തങ്ങളിലെല്ലാം അവര്‍ വായിച്ചിട്ടുണ്ട്. അവര്‍ വായിച്ച, കേട്ട, തൊട്ട ഗ്രന്ഥങ്ങള്‍ അവര്‍ക്കെതിരെ വാദിച്ച്, സാക്ഷിനിന്ന് അവരെ നരകക്കുണ്ഠത്തിലേക്ക് തള്ളിവിടുകയാണ് ചെയ്യുക. 2: 152; 3: 101-102; 10: 108-109; 11: 17 വിശദീകരണം നോക്കുക.